Kaamyaabi tere saath hai,
Tu peechhe mud kar mat dekh!
Hum sab tere saath hain,
Tu peechhe mud kar mat dekh!
Parvaton ki oonchai ho,
Nadiyon ki gehraayi ho,
Inse ab tu na ghabra,
Aage badne se na katra,
Teri himmat ban kar hum khade hain,
Tu peechhe mud kar mat dekh!
Kuchh raahein aisi mil jaati hain,
Jab mushkil chun ne mein aati hai,
Maana is mein kathinayi hai,
Par yeh jeevan ki sacchai hai,
Un raahon par bhi hum milenge,
Tu peechhe mud kar mat dekh!
Aayengi ab nayi manzilein,
Milega ek naya kafila,
Jaane kitnon se ab tu milega,
Par hum sa nahin koi milne waala,
Duayein ban kar tere saath chalenge,
Tu peechhe mud kar mat dekh!
Subscribe to:
Post Comments (Atom)
No comments:
Post a Comment